oleh

Kek Mayar Kamar Bai

WAJAR bai Yak Resat disebut kek kawan-kawan e ‘Raje Baweh Perot’. Asak kaki e nginjek kafe, karaoke, wisma apa diskotik, pasti ade bai cewek yang beserinton kek nya.

Cem subuh mari e, nya mintak dianter kek Mang Har, agik sepradik jauh, pupu lapen Bik Jubay urang rumah Yak Resat. Yak Resat mintak dianter ke salah sikok wisma esek-esek.


Loading...

Ngapa ke kawan e Yak Resat ngaku cukup mayar kamar bai? Nah, kira-kira, berape siwa kamar yang nya maksod ya? Bace bai kisah e ne sampai sudeh.

———————————-

Malem mari e pas begadang di rumah Yak Hay, Yak Resat tekanjet ningok Mang Har dateng. Suai sek nya tekanjet, Mang Har agik ade bauk-bauk sepradik kek urang rumah e, padahal, mun sekira lancar malem ne Yak Resat nek gi nakal suat gi ke ‘dalem’.

Tapi, imang dasar utek imang lah kerungkeng dari awal, dek sadar tua gale e, Yak Resat nyangkak Mang Har nek ngajek benya gi ke ‘dalem’. Basinglah ke Paret Enem apa Teluk Bayur. Mana ge pereh pukok e.

Komentar

BERITA LAINNYA