oleh

Keceker Kiok Taipau e

AYAK Resat kek Yak Juhay sebenar e lah bebelas abad, 7 kalik gentik presiden dek suah agik nempoh lokasi remeng-remeng. Karaoke cuntoh e. Jiat-jiat cemya due kawan akrab yang entah cemana pacak jadi sepradik ya, menurut legenda bennya ne mantan preman di kampong. Seketoh ngerusoh jateh kek yang punya karaoke ‘gatel’. Tapi kinik e berhubung umur marak tua, nya bedue dek suah agik nempoh tempet cemya.

——–

loading...

TAPI, nama nek ngeharge kek mandang kawan lama yang bejanji gi karaoke cuma numpang ngaroh-ngerik hepi-hepi, setujulah riken e Yak Resat kek Yak Juhay. Benya nek gi bekepong di lokasi karaoke tapi ade sarat e: Jangen sampai minom-minom kek maen mentinak!

Ujung kisah, due kawan kentel yang ngalah-ngalah susu bendira ya ngaok-ngaok bai diajek ke karaoke yang ngetop di Pengkal. Kira-kira apa kisah di tempet karaoke ya ok? Ikak bace bai sampai abis ok.

Jadi kisah e, malem lusa mari e Yak Resat kek Yak Juhay ne dapet telpon dari kawan lama e. Se-geng pas agik angket-angket bujang luk, Yak Paw nama e.

Yak Paw ne inti e nek ngajek Yak Resat kek Yak Hay kumpol agik, Yak Paw gatel atey reuni cak-cak e. Sambil bekisah cemana benya kepong-keruyok ngejer cinta seorang Baidah, cewek paling cikar semlohay di kampong pas jaman ya.

“Yak, ko mintak tulonglah kek ikak bedue. Men pacak ko tuker kek nyawa ko tukerrr. Jangen aben ikak dek dateng malem ne. Ko cuma nek hepi-hepi bai ade rejeki sikit ko nyatot uto apanja, dapetlah sebateng. Kita ngaroh bai di sia. Dek sapalah ngeretak kita. Kita mayaaar. Pukok e ko tunggu ikak di tempat biase di belakang Mitro,” kata Yak Paw dari telpon android e yang sampai kinik nya agik bingung ngapa Hp mahal-mahal tapi dekde bekipet.

“Parat imang ki ne Paw. Ki kan lah tau ko ne lah lama tubat. Ngapa agik ki ngerayu ko nempoh hiburan malem,” Yak Resat nyawab.

Komentar

BERITA LAINNYA