oleh

Betaroh, Yo…!

GARA-gara betaroh hampir bai cara bekawan Yak Resat kek Yak Juhay dak bebekas agik. Sebener apa ge hal yang muet benya tahan betaroh? Cube kite intai bai apa kisah e.

Yak Resat kek Yak Juhay tengah nyantai duduk di poskamling kampung benya dek jauh dari kebun nanes. Pas benya tengah nyantai dek lama ade cewek cikar, inde e baru dateng ke kampung benya. Pendatang inde e.

loading...

“Wadaw…, alangkah cikar e urang bini ne Yak ok,” kate Yak Resat tekesiep igik mata e ningok cewek yang baru masok kampung tadik e.

“Dek bulek aben Sat… alangkah montok e, yang cemne ne lah Yak yang ki ingen e, dek bulek aben, aok kan,” kata Yak Resat sambil mata e tebesak.

“Ko luk kaley yang ningok, Yak… jadi ko luk yang ngajek urang bini ya kenalan,” kate Yak Juhay ke Yak Resat.
“Nyamen ati parik ki Hay… Ko ne lebih tua dari ki, jadi minggir ki, ko ne yang patot bekenal luk kali,” Kata Yak Resat dek nek ngalah.

“Dak pacak Yak, Ko luk kali,” nya bedue betegang urat.
“Aaaaaaaylaaaaah ki ne Hay…, Ko ne lebih tua dari ki, ngerti dek ki ya,” disambut Yak Resat dek neg kalah besak suara e. (emp/bersambung)

Komentar

BERITA LAINNYA